من اجمد النكت المكتوبه .... 15 نكته

مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى

مرة واحد زعلان مع مراته كتب لها ورقة مكتوب فيها صحينى الساعة 6 الصبح قام الساعة 11 لقا ورقة مكتوب عليها اوم اصحا الساعة 6

مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي

مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها

واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"

واحد راح المترو قطع ثلاث تزاكر قابلة واحد قالة انت قاطع ثلاث تزاكر لية قالة عشان لو ضاعت الاولى يبقى ماعاية التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك

مره ثلاث نسور بيتراهنوا مين يصطاد أكتر ,النسر الأول راح ورجع فكان منقاره عليه دم فسألوه النسور التانين الدم ده من ايه قالهم شايفين الصخره اللى هناك اصطتدت عندها أرنب,فراح النسر التانى ورجع فكان منقاره عليه دم أكتر فسألوه الدم ده من ايه فقالهم شايفين الشجره اللى هناك اصطتدت عندها غزاله,راح النسر التالت ورجع مليان دم فى كل حته فى جسمه فسألوه الدم ده من ايه قالهم شايفين العمود اللى هناك ده قالوا له اه قالهم انا ماشفتوش

مرة اثنين واحد رزل والتانى تنح الاول قال للتانى علمنى الرزاله قاله اوكى اتصل برقم قال الحاج حسن موجود قاله لا راح اتصل تانى وقال الحاج حسن موجود قاله لا راح الاول قال لتانى انا علمتك الرزاله علمنى التناحة راح اتصل بنفس النمرة وقال انا الحاج حسن محدش سأل عليا

واحد ماشى ورا وحدة قالها الحلوة وراها مشوار قالتلة لا وراها حمار

مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح

مره واحد احول سالوه:ايه هى امنيتك في الحياة؟ قال اشوف واحد ماشى لوحده

مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت

اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه

يارب تكون عاجبتكم

خاص لاعضاء

عبير الاحلام

اكيد عجبتنا يا jeff2
زوووووووووء
ههههههههههه
حلوين متل اللي كتبهن

ههههههههههه

تسلم اكيد نكت مضحكة مووووت

وفى انتظار قادمك اخى

هههههههههههههههههههههههههههههههههههه

رووووووووووعة

ههههههههههههههههههههههه لا حقيقى رائعين بجد ههههههههههههههههههههههههههههههه

شكرا على مرورك العطر

انرتى الموضوع بوجودك

من اجمد النكت المكتوبه .... 15 نكته 3510096238